Cipras takim urgjent në Bruksel

Kryeministri grek Aleksis Cipras sot pritet të udhëtojë në Bruksel me ftesë të kryetarit të Komisionit Evropian Zhan Klod Junker, publikuan mediat athinase.

Sipas burimeve greke, Cipras me Junkerin do të shqyrtojë propozime për marrëveshje të Qeverisë greke me kreditorët.

Pritet që sot të mbahet edhe seancë e Grupit punues evropian për euron.

Varianti grek i marrëveshje që është dorëzuar dje nga Athina, nuk i përmbush kërkesat e kreditorëve, njoftuan mediat greke.

Ndërkohë, treshja – KE, BQE dhe FMN, u dakorduan që t’i propozojnë marrëveshje Greqisë që t’u jepet fund negociatave të cilat po zgjasin tashmë katër muaj për borxhin grek. Marrëveshja është e tipit – të holla për reforma dhe është me qëllim që t’i jepet mundësi Athinës që të marrë ndihmë ekonomike para se të mbetet pa të holla.

Propozimi i kreditorëve “i mbulon të gjitha sferat politike kyçe dhe është rezultat i negociatave në muajt e kaluar”. Ai do të shqyrtohet sot me kryeministrin grek Cipras, thotë një burim i lartë nga BE-ja.