Davutoglu përzgjodhi kabinetin e ri qeveritar

Kryeministri i ri turk, Ahmet Davutoglu ka emëruar si pasardhës të tij në postin e ministrit të Punëve të Jashtme të Turqisë, Mevlut Çavusoglu.

Çavusoglu është një diplomat karriere, i cili shërbeu si ministër për Çështje Evropiane.

Ndërsa, ministritë kyçe të qeverisë turke të tilla si e ekonomisë, financës dhe energjisë, do t’i udhëheqin të njëjtit ministra që ishin në qeverinë e udhëhequr nga ish kryeministri, tashmë presidenti turk, Recep Tayyip Erdogan, transmeton Telegrafi.

Kujtojmë se Davutoglu dje edhe zyrtarisht u emërua si kryeministër i qeverisë turke, pasi Erdogan u zgjedh president i ri i Turqisë.