Delawie: Qytetarët amerikanë vullnet për të ndihmuar Kosovën

Ambasadori amerikan, Greg Delawie, vizitoi sot punën që po bën organizata humanitare amerikane “For heart and Soul”, prej pesë ditësh në Klinikën Pediatrike të QKUK-së, ku po trajtohen disa fëmijë qe kanë nevojë për ndërhyrje kirurgjike.

Delawie tha se kjo tregon edhe njëherë bashkëpunimin që kanë Amerika dhe Kosova, por gjithashtu vullnetin që kanë qytetarët amerikanë për të ndihmuar Kosovën.

Doktoresha Mary Porish nga kjo organizatë theksoi se gjatë këtyre ditëve që kanë qëndruar këtu, nga 38 fëmijë, të cilët kanë pasur nevojë për ndërhyrje kirurgjike, janë operuar vetëm 5 fëmijë.

Ndërsa, gjatë ditës së sotme pritet të kryhet operacioni edhe te një fëmijë tjetër.
I pranishëm ishte edhe ministri i Shëndetësisë, Imet Rrahmani, i cili premtoi që do ndihmojë edhe më tej sektorin e shëndetësisë përmes projekteve, që ata i kanë për vitet e ardhshme.