Demokratët kërkojnë akuza penale ndaj Kristi Noem për dëshmi të rreme në Kongres

Demokratët në Kongresin amerikan po kërkojnë ngritjen e akuzave penale ndaj Kristi Noem, disa javë pasi Presidenti Donald Trump e shkarkoi nga drejtimi i Departamentit të Sigurisë Kombëtare (DHS).

Dy figura kryesore demokrate, Jamie Raskin dhe Dick Durbin, akuzojnë Noem se ka gënjyer gjatë dëshmive në Kongres, duke shkelur ligjet për dëshmi të rreme. Ata përmendin disa deklarata të diskutueshme, përfshirë një kontratë reklamuese prej 220 milionë dollarësh, për të cilën Noem tha se ishte dhënë përmes një gare të hapur—gjë që vihet në dyshim.

Gjithashtu, ka dyshime për lidhje të mundshme mes përfituesve të kontratës dhe persona të afërt me DHS. Ndërkohë, administrata Trump dhe vetë Noem i mohojnë akuzat, duke i quajtur të pavërteta.

Edhe pse demokratët shprehen skeptikë se Departamenti i Drejtësisë do të veprojë, ata theksojnë se afati për ndjekje penale është deri në 5 vite. Trump ndërkohë ka emëruar një kandidat të ri për drejtimin e DHS, pas kritikave të shumta ndaj Noem.