Dibër, numërohen 104 qendra votimi; Muharem Rama drejt fitores, 3.861 vota më shumë se kundërshtari

Në Dibër vijon procesi i numërimit të votave. Deri tani janë numëruar 104 qendra votimi nga 118 gjithësej, të cilat i japin avantazh kandidatit socialist.

Sherefedin Shehu ka fituar vetëm në zonën e Kalasë së Dodës.

Sipas të dhënave të fundit, Muharem Rama kryeson me 16.849 vota ndaj rivalit Sherefedin Shehu, me 12.988, me një diferencë prej 3.861 votash.

Konkretisht, numërimi është mbyllur në 7 njësi administrative, në të cilat kryeson ndjeshëm kandidati i mazhorancës, ndërsa kanë mbetur ende pa u numëruar këto njësi administrative:

Kastrioti
Lura
Muhurri
Sllova
Zallë Dardha
Zall Reci

Në KZAZ janë të pranishëm nga PD deputetët Ristani e Strazimiri, ndërsa Aldo Bumçi është larguar duke u dhënë dorën dhe duke përshendetur kandidatit të majtë Maharrem Rama.
Procesi rifilloi këtë të hënë rreth orës 10:45, me një seri ndryshimesh në radhët e anëtarëve të grupeve, të cilët iu nënshtruan trajnimit që në orët e para të mëngjesit.