Dyshohet se ndezi qëllimisht zjarr për herë të dytë, arrestohet 75-vjeçari në Ersekë

Policia e Ersekës ka arrestuar një 75-vjeçar, i cili dyshohet se ka ndezur qëllimisht një zjarr, flakët e të cilit u përhapën në fshatin Psar, duke djegur një sipërfaqe të konsiderueshme të tokave përreth.

Kjo ishte hera e dytë që i moshuari dyshohet se vendoste zjarre në zonë, ndërsa më parë ka qenë i proceduar për zjarrvënie të qëllimshme.