Eksportet bujqësore ngecin me Kosovën, dyfishohen me Serbinë
Vendet e rajonit, Serbia, Kosova dhe Mali i Zi janë oazi i eksporteve te frutave dhe perimeve shqiptare.
Por në pjesën e parë të vitit shihet që të ketë një zhvendosje të shitjeve të prodhimeve bujqësore “Made in Albania” nga vendi në vend. Teksa shihet se me Kosovën eksportet e janë në vendnumëro me rënie 3 për qind për perimet dhe me rritje të lehtë për frutat, me Serbinë ka ndodhur revolucioni.
Eksportet e perimeve me Serbinë u rritën me 73 për qind në janar-qershor 2016 sipas të dhënave të INSTAT, ndërsa të frutave panë një rritje 92 % gati me dyfishim me të njëjtën periudhë të vitit 2015.
Sipas të dhënave të INSTAT, eksporti i perimeve për gjashtëmujorin e parë të këtij viti rrit me 39 për qind duke arritur në mbi 3 miliardë lekë. Pothuajse një e treta e eksporteve (984 milionë lekë) të zarzavateve shkoi në Serbi. Ndërsa pjesa tjetër prej 21 për qind shkoi në Kosove me një vlerë prej 667 milionë lekësh.
Edhe eksporti i frutave u rrit me 54 për qind në krahasim me gjashtëmujorin e parë të 2016 , të cilat ashtu si edhe perimet u destinuan kryesisht në rajon, si në Kosovë, Serbi, Maqedoni dhe Serbi.
Eksportet e fruta perimeve drejt Serbisë arritën në fund gjysmës së parë të vitit mbi 1.1 miliardë lekë, ndërsa në Kosovë 826 milionë lekë.
Në hartën e eksporteve bujqësore nuk ekziston Rusia. Vendi nordik vitet e fundit para se të vihej embargo ishte destiancioni i preferuar dhe me rritje të shpejtë i perimeve shqiptare.
Fermerët në zonën e Lushnjes pohuan se bllokimi i eksporteve me Rusinë ka ndikuar në fitimet e zonës, pasi çmimet që ofronte ky ven ishin më të larta se rajoni.
