Eksportet gjermane bien me ritmet më të shpejtë që nga recesioni i 2009-ës teksa rriten rreziqet

Eksportet gjermane ranë me ritmet më të shpejta që nga kulmi i recesionit të vitit 2009 sipas shenjave se ekonomia më e madhe e Evropës po ndjen dhimbjen e dobësimit të tregtisë globale.

Shitjet e huaja ranë 5.2 për qind në muajin gusht nga muaji i kaluar, referoi Zyra e Statistikave Federale në Ëiesbaden. Kjo është rënia më e thellë që nga janari i vitit 2009 dhe krahasohet me një vlerësim mesatar në një sondazh të Bloomberg për një rënie prej 0.9 për qind. Importet ranë 3.1 për qind. Në një tjetër shenjë tendosje të euro-zonës, besimi i biznesit ftancez u përkeqësua papritur.

Gjermania po ndeshet me një ngadalësim në Kinë, partnerin e saj të tretë më të madh tregtar, dhe tregjet e tjera në zhvillim që janë konsideruar si destinacionet kryesore për eksportet e saj.

Me porositë e fabrikave nga vendet jashtë rajonit prej19-vendesh të euros që ranë më shumë se 13 për qind në korrik dhe gusht të kombinuar, fokusi po zhvendoset drejt shpenzimeve më të fuqishme vendase nxitur nga kërkesa e ‘ndryrë’ e investimeve dhe konsumit.