EUROPOL jep alarmin: Evropa në rrezik nga sulmet e ISIS

Agjencia policore e Bashkimit Evropian ka paralajmëruar për mundësinë e sulmeve të reja të militantëve të Shtetit Islamik.

EUROPOL ka thënë përmes një raporti më 2 dhjetor (sot) se në Evropë ka të paktën disa dhjetëra persona që ka mundësi të kryejnë sulme terroriste.

Raporti paralajmëron se sulmet gjatë dy viteve të fundit në Francë dhe Belgjikë tregojnë se ekstremistët mund të planifikojnë në mënyrë efektive sulme komplekse. Në raport theksohet se taktika e përdorimit të bombave të vendosura në vetura mund të përdoret edhe në Evropë.

EUROPOL gjithashtu ka thënë se ka një ndryshim edhe në objektivat duke kaluar nga sulmet ndaj personelit policor apo ushtarak në “objektiva të buta”.

Kjo sqarohet më së miri sipas raporti me sulmin e vitit 2015 në Paris ku u sulmua një klub nate dhe një stadium futbolli.