Favoret e një kompanie shtetërore të naftës

Krijimi i një faktori shtetëror në tregun e naftës, i paralajmëruar nga kryeministri Edi Rama shikohet si lëvizje e duhur nga ekspertët e ekonomisë.

Sipas Fatos Çoçolit, hyrja e një kompanie shtetërore në tregun e hidrokarbureve do të bëjë të mundur rritjen e transparencën së çmimit, stabilizimin e tregun, garantimin e furnizimit, duke pasur në mbështetje një kapacitet shumë të rëndësishëm siç është garancia sovrane.

“Çdo kompani private sa do e madhe që del në treg sot e merr çmimin e naftës shumë më të lartë se sa të hyjë një autoritet shtetëror. Autoriteti shtetëror mund të porosisë naftë më shumë dhe kemi hapësira sepse kemi dhe miqësi shtetërore, flasim për Azerbajxhanin mund të shkojmë edhe tek Emiratet e Bashkuara Arabe. Shteti ka mundësi shumë më të mëdha sesa privati që të na i sjelli naftën në Shqipëri shumë më lirë se sa një privat”, u shpreh eksperti i ekonomisë.

Por sa mund të jetë ndikimi real tek çmimi i naftës në vend?

“Gjykoj se të paktën 20% mund ta marri më pak dhe nuk është pak për më tepër tani kemi dhe mekanizmat e kontrollit dhe të monitorimit të përditshëm të çmimeve. 15-20% shteti mund ta marri më lirë prandaj ta bëjmë sa më parë”, tha ai.

Paralelisht, qeveria ka nxjerr për konsultim publik projektligjin për rezervat strategjike të naftës i cili parashikon krijimin e rezervave që shtrihen nga një në tre muaj.