Greqia evakuon qytetarët dhe kafshët shtëpiake nga Lindja e Mesme

Greqia ka organizuar një operacion të veçantë evakuimi ajror për të sjellë qytetarët e saj së bashku me kafshët shtëpiake, të bllokuar për shkak të konfliktit në Lindjen e Mesme.

Një fluturim i posaçëm i kompanisë ajrore Aegean Airlines, i nisur nga Abu Dhabi, mbërriti në Athinë me 101 persona dhe 45 kafshë shtëpiake, përfshirë qen dhe mace.

Në aeroportin e Athinës u panë skena emocionale, ndërsa pronarët u ribashkuan me kafshët e tyre pas udhëtimit.

Operacioni u organizua nga qeveria greke, në një përpjekje për të garantuar sigurinë e qytetarëve dhe për të mos i lënë pas kafshët e tyre në një zonë konflikti.

Ky veprim vjen në një kohë tensionesh të larta në rajon, ndërsa përplasjet e fundit mes SHBA-së, Izraelit dhe Iranit kanë përshkallëzuar situatën e sigurisë në Lindjen e Mesme.