Francë, avioni i kombëtares, ulje të detyruar për shkak të motit të keq
Moti jo i përshtatshëm ka detyruar pilotët e avionit, ku po udhëtojnë djemtë e kombëtares shqiptare të futbollit të bëjë një ulje të detyruar. Siç raportohet në media, avioni ishte nisur nga Lioni drejt Perrois Guirec, ku është dhe shtëpia e kombëtares sonë.
Mësohet se pasi pilotët kanë konstatuar se ishte e pamundur që udhëtimi të vijonte normalisht drejt Iannon, ata vendosë të ulen në Brest, rreth 105 kilometra larg destinacionit përfundimtar.
Shefi i marrëdhënieve me shtypin në Federatën Shqiptare të Futbollit, Tritan Kokona, menjëherë pas uljes në Brest nëpërmjet një interviste telefonike për Supersport, garantoi se pavarësisht devijimit të detyruar, të gjithë futbollistët dhe stafi i kombëtares janë mirë, e madje situata nuk është përjetuar aspak me panik, pasi gjithcka ka qenë nën kontroll.
Në këtë mënyrë udhëtimi i Kombëtares ka vijuar me autobuz dhe kolonën shoqëruese drejt Iannon, lokacion rreth 10 minuta larg Agapa Resort, në Perros Guirrec ku akomodohet kombëtarja.
Sipas informacioneve që i janë dhënë stafit të kuqezinjve, nga personeli i udhëtimit dhe i aeroportit situata të tilla për shkak të ndryshimit të shpejtë të kushteve motit në Francën Veriore janë pothuajse normale për fluturimet ajrore. E rëndësishme është se nuk ka asgjë për t’u shqetësuar dhe sic thuhet në gjuhën popullore qoftë kjo “prishja e syrit të keq”, për të vijuar me fat të mirë në vijim në shpresat për një kualifikim të shumëpritur në 1/8 e Francë 2016.
