G20 – Takim i paparashikuar Obama-Putin

Presidenti amerikan, Barack Obama dhe homologu i tij rus, Vladimir Putin zhvilluan sot një takim të veçuar, në kuadër të samitit të G20-ës që po zhvillohet ne Turqi, sipas pamjeve të transmetuara nga televizioni turk.

Këto pamje te marra gjatë një pushimi, tregojnë të dy liderët që qëndrojnë të mënjanuar nga kryetarët e tjerë të shteteve.

Obama dhe Putin, ulur përballë njëri-tjetrit, duket se po zhvillojnë një bisedë intesive.

Ky takim, përmbajtja dhe kohëzgjatja e të cilit nuk u bënë të ditura, nuk ishte i parashikuar për shkak të marrëdhënieve të komplikuara aktuale, sidomos lidhur me çështjen siriane dhe atë ukrainase.