Gjendet në Dajt një xhup me njolla gjaku, i përket Ruzhdi Hoxhës/ Biznesmeni është i zhdukur prej ditësh
Më datë 24.10.2021, shtetasi S. H. ka bërë kallëzim në Komisariatin e Policisë Nr.5, se më datë 20.10.2021, rreth orës 23:00, është larguar nga banesa babai i tij, shtetasi Ruzhdi Hoxha, 43 vjeç, banues në Paskuqan, dhe prej asaj kohe nuk kanë pasur më kontakt me të.
Menjëherë pas denoncimit të marrë, Sektori i Hetimit të Krimeve të Renda ndaj Jetës dhe Pronës në DVP Tiranë, në bashkëpunim me strukturat hetimore të Komisariatit të Policisë Nr.5, kanë vlerësuar maksimalisht denoncimin duke verifikuar çdo informacion dhe kanë kryer kërkime e kontrolle në ambiente e vende të ndryshme.
Veprimet procedurale shtesë i janë dërguar Prokurorisë dhe mbi bazën e tyre është regjistruar procedimi penal Nr.7713, datë 27.10.2021, për veprën penale “Rrëmbimi ose mbajtja peng e personit”.
Djali i Ruzhdi Hoxhës, thotë se ai ka dalë me shoqërinë, me të cilët njihej prej vitesh. Njëri prej shokëve të tij, është dhe Ferdinant Rrushi, i cili është tashmë i arrestuar nga policia. Burimet policore bëjnë me dije se ndalimi i 43-vjeçarit është bërë për shkak se kërkohet nga Italia për tu ekstraduar për trafik të lëndëve narkotike. Ferdinant Rrushi, tanimë në paraburgim pretendon se e la Ruzhdi Hoxhën në banesën e tij këtu në zonën e 3 dhe se më pas u largua në drejtim të banesës me automjetin e tij. Por në të vërtetë, rezulton gjithashtu nga kqyrja e kamerave të sigurisë së automjeti sapo u largua nga një degëzim i autostradës në afërsi të një lokali, ka vijuar udhëtimin drejt Dajtit. Versioni se i humburi kishte konsumuar kafe e birra në afërsi të një zdrukthtarie konfirmohet edhe nga tre persona të tjerë që pohojnë se Ruzhdi Hoxha u largua me një makinë Pasat që është mjeti ku gjendej i shumë kërkuari i cili pranon se ka bërë një xhiro dhe mandej e la në prani të një stacioni. Me shumë gjasë thonë hetuesit në këtë automjet mund të ketë patur gjurmë dhe për këtë arsye ata janë vënë në kërkim të makinës së zhdukur.
Nderkohe celulari i biznesmenit që rezulton i zhdukur që prej 20 tetorit, Ruzhdi Hoxha është gjetur këtë pasdite pranë zonës së njohur si Shkolla e Bashkuar në Tiranë. Mësohet se telefoni ka qenë i fikur, por grupi hetimor pas kërkimeve ka zbuluar vendndodhjen e tij.
Tashmë aparati celular do të zbërthehet për të parë nëse mes telefonatave dhe mesazheve të shkëmbyera nga Hoxha me persona të tjerë, mund të zbulohen detaje mbi pengmarrësit. Gjithashtu mësohet se policia është vënë në lërkim të një mjeti të dyshimtë me të cilin dyshohet se udhëtonin pengmarrësit e Hoxhës.
