Gjermania, mbështetje Kosovës në shtetndërtim dhe integrimin evropian
![](https://24-ore.com/wp-content/uploads/2014/07/ambasadori_gjerman-dhe-thaci-437x350.jpg)
Kryeministri i Republikës së Kosovës, Hashim Thaçi, priti sot në takim lamtumire ambasadorin e Republikës Federale të Gjermanisë në Prishtinë, Peter Blomeyer, i cili e përfundon mandatin.
Kryeministri Thaçi, sipas zyrës së tij, ka shprehur falënderimin për bashkëpunimin e mirë të qeverisë së Kosovës me qeverinë e Republikës Federale të Gjermanisë dhe për mbështetjen që qeveria gjermane ka ofruar për proceset demokratike në Kosovë dhe në ndërtimin e subjektivitetit ndërkombëtar të Kosovës.
Duke konsideruar Gjermaninë si një shtet mik të Kosovës dhe njërin nga partnerët strategjikë të saj, kryeministri ka shprehur angazhimin dhe përkushtimin e institucioneve shtetërore të Kosovës për të vazhduar bashkëpunimin në mes të dyja vendeve.
Ambasadori gjerman është falënderuar për mikpritjen dhe bashkëpunimin e mirë me institucionet dhe qeverinë e Kosovës dhe ka theksuar gatishmërinë e Gjermanisë për të vazhduar mbështetjen në proceset e ardhshme të shtetndërtimit dhe të axhendës së integrimeve evropiane të Republikës së Kosovës