Gjermania vijon të udhëheq rimëkëmbjen e Evropës

Formula fleksibël e Gjermanisë për sukses ekonomik funksionon ende. Eksportuesit e vendit po rrisin dërgesat në SHBA dhe zonën e euros, duke shfrytëzuar rimëkëmbjen e përshpejtuar në vendet e zhvilluara ndërsa po ngadalëson rritja në vendet në zhvillim të Azisë. Së bashku me kërkesën e fuqishme të brendshme që po përfiton nga papunësia në nivele të ulëta rekord dhe politika monetare ekspansive, ekonomia gjermane vijon të udhëheqë rritjen ekonomike në bllokun e monedhës prej 19-vendesh dhe të performojë sërish më mirë se Franca dhe Italia.

Shtylla e fuqisë së Gjermanisë është një sektor i zhdërvjellët prodhimi që udhëzoi ekonominë më të madhe të Evropës përmes recesionit të Madh duke e zhvendosur vëmendjen e saj drejt rritjes së shpejtë në tregjet lindore.

Ndërkohë qe kërkesa e brendshme ka qenë kontribuesi kryesor në rritjen ekonomike në tre nga katër tremujorët e fundit për të cilët ka të dhëna në dispozicion dhe eksportet vazhduan të rriten, importet u rritën edhe më shpejt. Tashmë po synon në perëndim dhe, me një euro më të dobët në favor të shitjeve të huaja, parashikimi rezultateve konsiston në një tjetër rekord eksporti.