Goditën inspektorët tatimorë, 2 në pranga

Policia Tiranës ka arrestuar dy persona të cilët kanë goditur dy inspektorë të Drejtorisë së Tatimeve teksa kryenin detyrën.

Burime nga blutë e kryeqytetit bëjnë me dije se prangat u janë vënë shtetasve Fatmir Sulaj dhe Fredi Keta, të dy banues në Tiranë.

Ngjarja ka ndodhur të martën në afërsi të stadiumit “Selman Stërmasi”, ku shtetasit e mësipërm kanë goditur inspektorët tatimorë Erjon Trungu dhe Arian Xheblati.

Mbi të arrestuarit rëndon akuza e goditjes për shkak të detyrës.