Greqi, gjendet një skelet në varrin antik në Amfipoli‏s

Pas gërmimeve të vazhdueshme në rrethoren unikale Kasta në Amfipolis arkeologet greke kane gjetur skeletin e pare të kësaj varri gjigant të zbuluar prej tyre qe thuhet se i perket nje prej figurave mbreterore te periudhes se Aleksandrit te Madh.

Sipas njoftimeve nga Ministria e Kultures, ne dhomen e trete te varrit eshte gjetur nje skelet pothuajse i paprekur.  Materiali gjenetik do të transferohet në një laborator të veçantë për testim, në mënyrë që të merren të dhënat e para mbi identitetin dhe përcaktimin e moshës se saktë.

Zbulimi i ketij varri mbreteror ka muaj qe ka perqendruar vemendjen e arkeologeve ne mbare boten dhe ka hapur nje debat per spekulimet ne se i përket vetë Aleksandrit, strategut legjendar që vdiq në Babiloni dhe që thuhet se u varros në Egjipt.

Shumica e vleresimeve jane se varri mund t’i jete kushtuar nënës së Aleksandrit, Olimpiadës, ose bashkëshortes së tij persiane, Roksanës.

Amfipolis qe ndodhet rreth 90 km ne lidnje te Selanikut ishte një prej qyteteve te rëndësishëm te mbreterise se udhehequr nga Aleksandri i Madh.