Greqia rrit pagën minimale pas një dekade, arrin 650 euro

Greqia po rrit pagën e saj minimale për herë të parë në gati një dekadë. Kryeministri Alexis Tsipras dje njoftoi se paga standarde mujore do të rritet me 11%, nga 586 në 650 euro – një masë që ai thotë se do të “ripërtërijë ekonominë reale”. Paga “nën minimale” për ata nën moshën 25 vjeçare gjithashtu do të hiqet. Rritjet tani duhet të miratohen nga parlamenti. Greqia doli nga programi i saj i ndihmës në gusht.

Ngrirja e pagës minimale ishte bërë simbol i pabarazive të ‘shtrëngimit të rripit’, ndërsa Greqia përballonte stuhinë e saj më të keq ekonomike në kohët moderne. Rritja, ndërkohë që pritej, ishte më e madhe se sa pritej: kishte pasur spekulime se do të rritet me 8% në 630 euro, shkruajnë mediat vendase.

Tsipras, i cili përballet me zgjedhjet e përgjithshme më vonë këtë vit, është i vendosur të ndryshojë disa nga masat jopopullore që Athina është detyruar të marrë nga kreditorët pas paketave të shpëtimit që kanë mbajtur Greqinë gjatë nëntë viteve të fundit.