Gruevski: Do të ulet papunësia me projektin “Zona të zhvilluara rurale”
Vendbanimet nga komuna e Krivogashtanit do të jenë pjesë nga projekti “Zona të zhvilluara rurale” me të cilat parashikohen lirime tatimore dhe lirime të tjera, si ndihmë financiare për personat të cilët duan të hapin biznes në zonat rurale, përcjell Telegrafi Maqedoni.
Këtë e theksoi sot në tubimin me qytetarët kryetari i OBRM-PDUKM-së, Nikolla Gruveski i cili e prezantoi programin “Realisht” të kësaj partie dhe Koalicionit “Për Maqedoni më të mirë” për zgjedhjet e parakohshme parlamentare më 11 dhjetor.
Projekti “Zona të zhvilluara rurale”, siç tha Gruevski, i përfshin fshatrat Borotino, Vogjani, Kisha e Bardhë, Pashinoruvaci, Obrishani, Podvis, Sllavej, Vërbjani, Godivej, Krueshani, Korenica dhe Krivogashtanin.
Ai u bëri thirrje banorëve të Krivogashtanit në mënyrë masive të dalin në zgjedhjet më 11 dhjetor dhe ta japin votën e tyre për vete dhe për familjen e tyre, dhe siç tha, për Maqedoninë.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.