Grupi hetimor: Ja sa milionë euro u gjetën në “Toyota Yaris”
Ka përfunduar numërimi i eurove që u gjetën në dy makinat ‘Toyota Yaris’ në portin e Durrësit. Nga numërimi rezulton se bëhet fjalë për 3 milion e 470 mijë euro. Grupi hetimor ka marrë gjurmët e gishtave nga paratë. Ndërkohë mësohet se janë shoqëruar në komisariat 3 persona, pronari i kamionit Edi Lika, shoferi dhe djali i pronarit Klevis Lika 19 vjeç i cili punonte si shoqërues i shoferit.
Sipas burimeve nga policia eurot u gjetën të fshehura në dy makina tip “Toyota Yaris” pa targa, të ngarkuara në një trajler së bashku me makina të tjera të nisura nga Belgjika. Ka dyshime se shuma e parave mund të jetë siguruar nga aktivitete kriminale. Ato kanë mbërritur në portin e Durrësit të fshehura në makinat e nisura nga Belgjika përmes linjës së trageteve Ancona-Bari, të ngarkuara në trajlerin me targa “AA 120 SP”, në pronësi të shtetasit Edi Lika, i cili disponon firmën “Klevi-888” e transportit të automjeteve. Fillimisht u tha se shuma e eurove ishte rreth 1.5 milion euro.
