Haradinaj-Madison: Mirënjohje për mbështetjen e SHBA-ve në fushën e sigurisë

Kryeministri i vendit Ramush Haradinaj, priti sot ndihmësekretaren amerikane të Shtetit për Çështje Ndërkombëtare të Narkotikëve dhe Zbatimit të Ligjit Kristen Madison.

Haradinaj falenderoi Madison për mbështetjen amerikane për mekanizmat e sigurisë dhe sundimin e ligjit në Kosovë.

“Me mbështetjen e parezervë të partnerëve strategjikë, si ShBA-ja, vendi ynë ka arritur progres substancial në konsolidimin e mekanizmave të sigurisë, si dhe në sundim e zbatim të ligjit. Ndihmës Sekretaren për Çështje Ndërkombëtare të Narkotikëve dhe Zbatimit të Ligjit(INL) të ShBA-së, Kirsten Madison, e falenderova për përkrahjen e vazhdueshme amerikane për ngritjen e kapaciteteve të Policisë, Prokurorisë dhe institucioneve tona tjera të sigurisë. Kosova, në përballjen me sfidat ndërkombëtare të sigurisë, është partner kredibil dhe çdoherë përkrah aleatëve të saj strategjikë” tha Haradinaj.