Industria e turizmit të kroçerave, grekët: Ka interes edhe për Shqipërinë

Numri i turistëve të kroçerave që ndalojnë në Greqi pritet që të bjerë më tej, sipas Panayiotis Kampouroglou, drejtor ekzekutiv i ICTS Hellas dhe zëvendëspresident i ICTS Europe, i cili është i përfshirë me sigurinë e transportit detar dhe ajror.

Konfederata e Turizmit Grek (SETE) ka projektuar një rënie me 20% të trafikut të turistëve të kroçerave në këtë sezon. Tani Panayiotis Kampouroglou thotë, se sipas të dhënave, sezoni i ardhshëm turistik do të ketë një rënie prej 20% edhe në vitin e ardhshëm.

Ai argumenton se turizmi detar në Greqi nuk ka gjasa që të rimëkëmbet për sa kohë vazhdojnë problemet e sigurisë në vendin fqinj, Turqinë. Operatorët më të mëdhenj të tureve detare e kanë hequr Turqinë nga itineraret e tyre dhe do të vazhdojnë që të mos e përfshijnë as në sezonin e ardhshëm dhe si rrjedhim, turistët në portet e Greqisë do të jenë më të pakët. Greqia ishte pikë ndalimi gjatë rrugës për në Turqi.

Nga ana tjetër, Kampouroglou nënvizon se ka një interes në rritje për turizmin detar në brigjet e Greqisë Perëndimore të kombinuar me ndalesa në Itali, madje dhe në Shqipëri.

Përfaqësuesit e turizmit të kroçerave SETE përllogarisin se do të ketë rënie të turizmit edhe vitin e kaluar.