Inspektorja e BSH refuzon seancën dëgjimore në Komisionin e Ekonomisë

Inspektorja e përgjithshme  e Bankës së Shqipërisë, Elivar Golemi ka refuzuar të jetë në seancën dëgjimore në komisionin e ekonomisë, me kërkesë të kreut të këtij komisioni Erion Braçe.

Mungesa e Golemit, e cila e justifikoi refuzimin e saj me  faktin se nuk përfaqëson BSH,  u cilësua si një akt i rëndë dhe njërast i paprecedent në historinë e Kuvendit nga Braçe, i cili pasi bëri një përshkrim të situatës aktuale në BSH, theksoi se “përmes shkeljeve të rënda administrative në BSH, është kryer një krim i rëndë me pasojë vjedhjen e 713 mln dollarëve”.

Braçe ftoi të gjitha organet kompetente të vijojnë hetimet dhe t’i shkojnë deri në fund atyre për të zbardhur jo vetëm fajtorët, por edhe përgjegjësit për këtë krim të rëndë.