Integrimi-Gjosha: Dialogu politik dhe reforma në drejtësi, thelbësore për të çuar përpara procesin

Ministrja e Integrimit, Klajda Gjosha gjatë një takimi të martën me ambasadoren e Belgjikës, rezidente ne Sofie, Anick van Calster, theksoi rëndësinë e nisjes së reformës në drejtësi, për të çuar përpara intgegrimin e vendit.
Ministrja vlerësoi se fillimi i mbarë i kësaj reforme, me pjesëmarrjen e gjithë aktorëve, është tregues i qartë i domosdoshmërisë që ajo të përfundojë sa më shpejt.
Në takim u theksuar rëndësia e dialogut politik dhe gjithpërfshirja e aktorëve, si thelbësore për të çuar përpara integrimin e vendit.
“Për ne, pas marrjes së statusit, përgjegjësia është më e madhe, por se dhe vendosmëria e qeverisë për të çuar përpara prioritetin tonë më madhor, integrimin e vendit në BE, mbetet e palëkundur”, tha ministrja Gjosha.
Ambasadorja e Belgjikës, shprehu gatishmërinë për të ofruar asistencë në nivel ekspertësh për çështjet e integrimit, reformimin e administratës publike dhe fusha të tjera. Ajo theksoi se për t’u afruar më shumë me BE-në, Shqipëria duhet të vazhdojë në rrugën e reformave.
“E ardhmja e Shqipërisë është në BE dhe ne ju mbështesim në këtë aspiratë tuajën. Është e domosdoshme që të ecni përpara me reformat dhe transformimin e shoqërisë suaj, përmes aftësisë për konsensus e dialog”, tha ambasadorja van Calster.