ISIS: Sajida duhet të lirohet, ndryshe piloti jordanez do të vdesë

Një mesazh zanor i ISIS-it me ultimatumin për të vrarë pilotin jordanez Muath al Kaseasbeh nëse terroristi Sajida al Rishawi nuk do të lirohet në kufirin me Turqinë deri në perëndim të diellit, është bërë publike, njoftoi sot rrjeti informativ amerikan, CNN.

Në një mesazh zanor, një person i cili identifikohet si Kenji Goto, gazetari japonez i mbajtur nga ISIS-i, tha se ”nëse Sajida al-Rishawi nuk do të shkëmbehet me mua në kufirin me Turqinë, atëhere piloti jordanez, Muath al Kasaesbeh do të vritet menjëherë”.

Ndërkohë, vërtetësia e mesazhit mbetet ende për t’u sqaruar.