Jahjaga e Ismajli flasin për komunat

Presidentja e Republikës së Kosovës, Atifete Jahjaga, priti në takim kryetarin e Asociacionit të Komunave të Kosovës, Naim Ismajli dhe drejtorin ekzekutiv të këtij asociacioni, Sazan Ibrahimi.

Presidentja Jahjaga theksoi rëndësinë e bashkëveprimit dhe koordinimit ndërinstitucional për të trajtuar të gjitha çështjet me interes për qytetarët e Kosovës, pa dallim.

Kryetari i Asociacionit të Komunave të Kosovës, Naim Ismajli, e njoftoi Presidenten Jahjaga me aktivitetet e deritanishme dhe shprehu mirënjohjen për mbështetjen që gëzon ky asociacion nga Presidentja e Republikës.