Jahjaga vlerëson ndihmën e Austrisë

Presidentja e Republikës së Kosovës, Atifete Jahjaga, priti në takim Martin Ledolter, drejtor menaxhues në Agjencinë Austriake për Zhvillim, i cili ishte i shoqëruar nga ambasadori i Austrisë në Kosovë, Johann Brieger dhe udhëheqësi i kësaj agjencie në Prishtinë, Christian Geosits.

Jahjaga e falënderoi Ledolter për mbështetjen e vazhdueshme që Agjencia Austriake për Zhvillim i ka dhënë Kosovës në forcimin e institucioneve dhe zhvillimin e demokracisë, përmes projekteve që kanë të bëjnë me sundimin e rendit dhe ligjit, edukimin dhe çështjet gjinore.

Ajo vlerësoi lart marrëdhëniet Kosovë-Austri dhe shprehu bindjen se bashkëpunimi me këtë agjenci do të kontribuojë në thellimin dhe avancimin e mëtutjeshëm të këtyre marrëdhënieve.

Drejtori menaxhues në Agjencisë Austriake për Zhvillim, Martin Ledolter shprehu gatishmërinë për të vazhduar mbështetjen në realizimin e prioriteteve të institucioneve dhe të qytetarëve të Kosovës në fushën e zhvillimit ekonomik, sundimit të rendit dhe ligjit dhe të drejtave të njeriut