Kanberra dhe Pekin arrijnë marrëveshjen e shkëmbimit të lirë pas 10 vitesh negociata

Australia dhe Kina përfunduan sot një marrëveshje të shkëmbimit të lirë pas 10 vitesh negociatash, që pritet t’i ofrojnë Kamberrës tregje të reja që peshojnë miliarda dollarë dhe të reduktojë varësinë ndaj sektorit të saj të minierave.

“Në përfundim të kësaj marrëveshje, 93 për qind e eksportimeve në Kinë do të jenë të lira nga ligjet brenda katër vitesh”, deklaroi kryeministri australian, Tony Abbott.

“Kjo marrëveshje do t’i sjellë miliarda ekonomisë, do të krijojë punësim dhe përmirësojë nivelin e jetesës. Kompanitë australiane do të kenë akses të pa precedent në ekonominë e dytë botërore”, tha ai.

Periudha e artë kaloi për Australinë që është tashmë në kërkim të një rimëkëmbje të rritjes ekonomike. Ngadalësimi i ekonomisë kineze, importuesi i parë botëror i karbonit, dhe rënia e çmimit të lëndëve të para, frenuan ekonominë e saj. Australia, eksportuesi i dytë botëror i karbonit, deri tani kishte qenë imun falë sektorit të vetë të minierave, duke i shpëtuar krizës financiare botërore të vitit 2008.

Kina është partneri i parë tregtar i Australisë, me shkëmbime mes dy vendeve që kalojnë 150 miliardë dollarë australian (104 miliardë euro).