Kapet vrasësi serial shqiptar, grabiti dhe vrau katër persona

Greqi

Përdorte shtatë emra, një nga viktimat ishte piktore e njohur

Policia greke arrestoi dje një të ri shqiptar, i cili ishte kthyer në tmerrin e shtetit fqinj, për sa i përket serisë së vrasjeve që kishte kryer. Shqiptari përdorte 7 emra dhe akuzohet për 4 vrasje, ku njëra nga viktimat ishte një piktore e njohur greke. Gjatë qëndrimit në Naksos ishte i njohur si “Elias” dhe “Vangjelis”, ndërsa përdorte emrin Mondi apo Edmond, ose Netian, Papagjan, apo Artan Burto. Në shtatë kartat e identitetit të rreme që iu gjetën, mosha varionte nga 31 deri në 34 vjeç. Taktikat e vrasjeve kishin të bënin kryesisht me sulme në shtëpitë e shtetasve grekë, të cilët e strehonin të riun shqiptar. Viktimat, kryesisht të moshuar, gjendeshin pa jetë, të lidhur dhe të rrahur. Mediat greke kanë publikuar në vijimësi detaje nga vrasjet e dyshuara si të kryera nga njeriu që fillimisht kërkohej me emrin Edmond Papajani, i cili mendohet se është nga Shqipëria e Jugut. I riu shqiptar kërkohej për 4 vrasje në Naksos, Tripoli, në fshatin Vourvoura dhe në shpellën e Mesinës. Kështu, Edmond Papajani, ose Mondi, cilësohet si një ndër vrasësit më të pamëshirshëm që ka vepruar në Greqi. Më 18 tetor 2014, Katerina Zazani, një piktore 59 vjeçe, u gjet e vdekur në shtëpinë e saj, në Galanado, me duar të lidhura në qafë dhe ishte mbështjellë me një pëlhurë. Gruaja ishte në kërkim prej disa ditësh nga djali i saj, që studionte në Athinë, i cili kishte kontaktuar policinë, ku e kishte njoftuar se nëna nuk po u përgjigjej telefonatave. Si rezultat i hetimeve, shqiptari ishte shfaqur me emrin “Vangelis” në Naksos, për të kryer punë në shtëpinë e gruas fatkeqe. Dhomat e pritjes kishin shenja të vjedhjes, ashtu si edhe dhomat e tjera. Sipas dokumentacionit, njeriu nga 31 deri në 34 vjeç është me origjinë nga Shqipëria e Jugut dhe familja e tij ka jetuar në dekadën e fundit në Tripoli. Cikli i vrasjeve filloi më 30 mars 2008.