Kërkohet që 40% e kandidatëve për deputet në Maqedoni të jenë femra

Këshilli kombëtar për barazi gjinore (KKBGJ) u ka bërë thirrje sot partive politike për t’u respektuar ndryshimi i fundit i Ligjit për zgjedhje, ku thuhet se 40% e listës zgjedhore të përbëhet nga femra, përcjell Telegrafi Maqedoni.

Kjo thirrje vjen pasi që partitë politike janë në procedurë të përpilimit të listave të kandidatëve për deputetë, ndërkaq si një organizatë që funksionon, tash e 20 vite më parë, KKBGJ-ja kërkon respektim të Ligjit për mundësi të barabarta dhe Ligjit për zgjedhje, me të cilat garantohet respektimi i kuotave të përfaqësimit të barabartë.