Korçë, arrestohet bashkëpunëtori i shtatë i trafikut të drogës

Policia e Korçës ka arrestuar një tjetër person në kuadër të operacionit anti-drogë të para pak javëve “Velçani”, ku u sekuestruan 700 kilogramë kanabis.

Në pranga ka rënë Nikola Blacëri, 36 vjeç, banues në fshatin Gështenjas, ndaj të cilit gjykata ka dhënë masën e sigurisë “arrest me burg”.

Sipas policisë, Blacëri është bashkëpunëtori i shtatë i grupit që trafikonte drogë nga Shqipëria drejt Greqisë, ku në datën 29.10.2015 u kapën dhe sekuestruan mbi 700 kg marijuanë.