Kosovë-Maqedoni, së shpejti me letërnjoftime

Qytetarët e Kosovës dhe të Maqedonisë së shpejti do të kenë mundësi të lëvizin vetëm me letërnjoftim.

Kjo çështje është diskutuar gjatë takimit ndërmjet ministrit të Jashtëm të Kosovës, Hashim Thaçi dhe Nikolla Poposki.

Në këtë takim ministrat kanë nënshkruar dy marrëveshje, atë për mbrojtjen e ndërsjellët të investimeve dhe për bashkëpunim mes akademive diplomatike.

Ministri Thaçi dhe Poposki po ashtu kanë biseduar rreth mundësisë së një mbledhjeje të përbashkët ndërmjet dy qeverive.