Kryeministri Vuçiç mbërrin në Pallatin e Brigadave

Kryeministri  Aleksandër Vuçiç mbërriti në Pallatin e Brigadave ku është pritur nga Kryeministri Edi Rama me një ceremoni zyrtare.

Pas ekzekutimit të himneve kombëtare të të dy vendeve, pritet  të zhvillohet takimi dypalësh i delegacioneve, të kryesuar nga dy kryeministrat, e cila do të pasohet nga konferenca e përbashkët për shtyp rreth orës 12:50 minuta.

Kryeministri i Serbisë Aleksandër Vuçiç mbërriti në aeroportin “Nënë Tereza” të Tiranës rreth orës 10.55 minuta.

Kjo është e para vizitë zyrtare e një kryetari qeverie të Serbisë në kryeqytetin shqiptar.

Shefi i qeverisë serbe dhe delegacioni që e shoqëron, u pritën në aeroport nga zv.kryeministri Niko Peleshi.