Kryeparlamentari Veseli takim lamtumire me Presidenten Jahjaga

Kryetari i Kuvendit të Kosovës, Kadri Veseli, zhvilloi sot një takim lamtumire me presidentjen Atifete Jahjaga.

Në një postim në rrjetin social Facebook, Veseli, shprehet se  “sot isha në takim lamtumire te Presidentja Jahjaga. Duke e kthyer drejtimin e Presidencës në shembull frymëzimi për mijëra gra e burra që e duan dhe punojnë pa u lodhur për vendin e tyre, duke prezantuar me dinjitet Kosovën gjithandej botës me mirësinë dhe pozitivitetin e saj, Presidentja Jahjaga na lë një trashëgimi shumë të çmuar politike, në rrugën e jetësimit të ëndrrës tonë evropiane”.