Kumanovari ka një selam për Ali Ahmetin dhe Gordana Jankullovskën: Ejani e më kapni!

Në një bisedë të publikuar opozita në Maqedoni, dëgjohet ministrja në Qeverinë e VMRO-BDI-së, Gordana Jankullovska, duke biseduar me Mile Janakievskin lidhur me zgjedhjet lokal në Kumanovë.

Ata bisedojnë se në bashkëpunim me BDI-në mund ta fitojnë Kumanovën.

“Duhet të bisedohet me BDI-në që shqiptarët të kapen për fyti që të mos dalin në zgjedhje”, dëgjohet duke thënë Jankullovska.

Ndërkohë, në një deklaratë për Almakos, lidhur me këtë çështje është prononcuar drejtori i gazetës Lajm, Fejzi Hajdari. Ai thotë se për Ali Ahmetin e Jankullovskën ka një porosi.

“Ejani provoni e më kapni mua për fyti, nëse ua mban! Do doja të isha Kurban i parë! Jam në Shkup çdo ditë dhe aty kam biznesin… Mos i frikoni qytetarët e thjeshtë… Nëse doni shqiptarë për fyti, do doja unë të jem i pari, por provoni”!