Lista Serbe kthehet në Qeveri!
Ministri i Pushtetit Lokal, Lubomir Mariq është kthyer për t’i kryer detyrat e tij prej ministri, pas rreth 2 muajve që kur Lista Serbe ishte tërhequr nga institucionet pas shkarkimit të ministrit, Aleksander Jabllanoviq.
Mariq ka marr pjesë në takimin ndërministror për projektin e Brezovicës në cilësinë e ministrit të Pushtetit Lokal.
Zëvendësministri i Integrimeve Evropiane, Ramadan Ilazi, në takimin e komitetit ndërministror ka thënë të mos ketë pritur pjesëmarrjen e Mariqit në takim, për shkak të tërheqjes së Listës Serbe nga Qeveria. Ky ia ka kthyer se “bëhet fjalë për interesa të serbëve”.
Në këtë takim, Komitetit Ndërministror i ka dhënë dritën e gjelbër nënshkrimit të kontratës 409 milionëshe me konzorciumin francez.
Në takim ka qenë edhe kryetari i komunës së Shtërpcës, i cili e ka përkrahur projektin e Brezovicës, në të cilin parashihet të investohen 409 milionë për të bërë këtë resor më ta madhin në Ballkan, transmeton Koha.
