Mançester, kamikazi e kishte projektuar sulmin prej një viti
Sipas gazetës britanike “Guardian”, policia e Mançesterit ka arrestuar një tjetër person të dyshuar në lidhje me atentatin vetëvrasës të së hënës që shkaktoi 22 të vdekur dhe dhjetëra të plagosur në koncertin e Ariana Grandes.
Shkon në tetë kështu numri i personave të arrestuar deri tani: mes tyre Ismail Abedi, 23 vjeç, vëllai i kamikazit, Salman Abedi. Një grua dhe një burrë janë arrestuar më herët dhe pastaj janë lëshuar.
Një kontroll i agjentëve është kryer edhe në brendësi të një banese në lagjen Moss Side, në jug të Mançesterit, ku ndodhi dhe atentati kamikaz.
Sipas “Times”, Salman Abedi, e kishte projektuar atentatin prej të paktën një viti dhe kjo rezulton edhe falë lëvizjeve bankaret 22-vjeçarit britanik me origjinë libiane.
Abedi në fakt kishte hapur një llogari bankare rreth 12 muaj më parë, e cila ka mbetur e paaktivizuar deri kur është përdorur para sulmit për të blerë dado, bullona, vida dhe gozhda të përdorura në ndërtimin e bombës artizanale.
