Masakër në Zelandën e Re, ngordhin nga shkaqe misterioze mbi 100 balena

Në Zelandë të Re ka ndodhur një masakër e vërtetë. Rreth 100 balena janë gjetur të ngordhura në breg të detit dhe dhjetëra të tjera janë në rrezik për jetën.

Për tu shpëtuar jetën, me qindra vullnetarë arritën që të shtynin  një pjesë të balenave në ujë, sepse ato nuk mundnin që ta bënin vetë një gjë të tillë.

“ 103 balena kanë ngordhur  dhe ne po përpiqemi që të mbajmë gjallë pjesën tjetër”,-tha zëdhënësi i Departamentit të Konservimit  në Zelandën e Re, Andrew Lamason.

Tashmë pritet një baticë tjetër shumë më e madhe, e cila do të ndihmojë vullnetarët që t’i fusin në det balenat e tjera,  që po mbahen gjallë me rroba të njoma.