Mblidhet grupi parlamentar i PS-së; raportojnë ministrat

Grupi parlamentar i Partisë Socialiste (PS) është mbledhur të hënën në mbledhjen e përjavshme.

E nisur rreth orës 13:00, mbledhja, që po zhvillohet pa praninë e mediave, mësohet se ka në rend dite raportimin e ministrave të kabinetit qeveritar për sektorët që ata drejtojnë dhe rezultatet e deritanishme.

Në mënyrë të përsëritur deputetët socialistë kanë kërkuar që anëtarët e qeverisë të informojnë grupin parlamentar për punën e tyre në dikasteret që ata mbulojnë.