Memeti: Të mos keqpërdoren fëmijët për fushatë zgjedhore në Maqedoni
Avokati i Popullit, Ixhet Memeti, ka hapur procedurë për përfshirjen e fëmijëve në fushatën zgjedhore, edhe pse nuk bëri të ditur se cila parti e ka shkelur Ligjin për zgjedhje në këtë drejtim, përcjell Telegrafi Maqedoni.
Ai bëri të ditur se me nismë të tyre, është hapur një procedurë në aspekt të keqpërdorimit të fëmijëve për një aktivitet në shkollë, nga një parti politike, ku fëmijët janë detyruar që të përcjellin dhe të marrin pjesë në një aktivitet ku nuk duhet të jenë.
Njiherit, Memeti apeloi te partitë politike që të mos i keqpërdorin fëmijët për fushatë zgjedhore. Mirëpo, Memeti kërkoi edhe nga mediat që të mos i publikojnë skenat e tilla, nëse i kanë dokumentuar.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.