Meta: Më shumë të rinj në Parlament dhe më pak biznesmenë

Presidenti i zgjedhur Ilir Meta, deklaroi se të rinjtë fuqinë më të madhe kanë votën dhe këtë fuqi duhet ta përdorin që të mos jenë indiferentë karshi proceseve demokratizuese.

Gjatë një aktiviteti në Durrës, për “Promovimin dhe fuqizimin e të rinjve në Ballkanin Perëndimor”, Meta nënvizoi se të rinjtë duhet të jenë modeli i kundërti i arrogancës dhe të japin shembull bashkëpunimi e tolerance.

“Besoj se të rinjtë në Parlament t’i japin tonin rinor Parlamentit sepse nuk është problemi për të promovuar të deputetët e rinj por për të zgjidhur problemet e të rinjve që të mos largohen nga Shqipëria. Fuqia më e madhe që kanë të rinjtë është vota dhe nuk duhet të jenë indiferentë të proceseve demokratike. Të rinjtë duhet të jenë modeli i kundërt i arrogancës duke qenë shembull bashkëpunimi dhe tolerance. Vendi është ende nën potencialet e tij reale për një zhvillim më të shpejtë e të qëndrueshëm”, tha Meta.

Meta tha se duhet më shumë të rinj në parlament se biznesmenë

“Të rinjtë kanë vizion dhe dinë të shohin lart, ndaj te rinjtë i duhen Shqipërisë. Duhet më shume të rinj dhe të reja në parlament dhe me pak biznesmen. Nëse çojmë të rinj në parlament do të diskutohet për politikat qe i shërbejnë të rinjve. Dy shembuj: Kur vendosa të kandidoja Klajda Gjoshaj, beri shume kandidat qe të mos pranonin qe në liste të ishte dhe një e re. Po kështu bëra edhe me Kejtin. Ndërsa këtë here angazhimi është me i madh. Këtë e bëra se dy rastet e para rezultuan mjaft të suksesshme. Kjo na motivoj për te rritur numrin e të rinjve.