Meta: S’ka shans Rilindja të më shkarkojë!
Kreu i Kuvendit Ilir Meta ka shprehur shqetësimin për deklaratën e kryeministrit Edi Rama dhe thirrjen ndaj Policisë, duke e quajtur të paligjshme dhe të papërgjegjshme. Meta e ka nisur deklaratën pas seancës së jashtëzakonshme me një urim për deputeten e PD-së Jorida Tabaku.
“Uroj zonjë Tabaku dhe një ogur i mirë dhe patjetër që reforma do të vazhdojë të ecë përpara. Dua të shpreh shqetësimin e thellë për deklaratën tërësisht jo vetëm të paligjshme por dhe të papërgjegjshme të kryeministrit Rama drejtuar Policisë së Shtetit”, tha Meta.
Ai gjithashtu dënoi heshtjen e Drejtorit të Përgjithshëm të Policisë së Shtetit Haki Çako në lidhje me deklaratat e kryeministrit, por tha se ishte pritshme.
“Dënoj heshtjen e Drejtorit të Policisë së Shtetit që nuk më habit aspak. Është deklaratë për përdorimin e hapur të policisë në zgjedhje. E kam thënë edhe më parë që segmente të policisë që shërbejnë për nxitjen e kanabisit kanë marrë përsipër të cenojnë zgjedhjet”, deklaroi Meta.
Nderkohe pas ‘bombës’ së kreut të grupit të PS-së Gramoz Ruçit se Ilir Meta do të shkarkohej nga detyra e kreut të Shtetit, nëse nuk dekretonte zgjedhjet, vjen dhe përgjigja e presidentit.
Meta pohoi se Rilindja nuk ka asnjë shans që të shkarkojë atë nga detyra.
“Ska shans Rilindja të shkarkojë Ilir Metën. Janë shqiptarët që do të shkarkojnë Ramën. T’i bësh thirrje policave që hiqni kapet, është fund i shtetit”, tha Meta.
Meta nënvizoi faktin se nuk ka deklaruar që nuk do të dekretojë qeverinë, por rastin e votave të vjedhura.
“S’kam thënë që s’do dekretojë. Se Shqipëria do ketë qeveri në çdo rast. Kam thënë se s’do dekretojë nga votat e vjedhura. Nuk është shantazh. Por a është kushtetuese që të cënosh vjedhjet? A është e drejtë që të bëjë kryeministri thirrje policisë që të heqësh dorë nga kapelja. Është e njëjte si ajo e nënë Feridesë, e cila u burgon vetëm për të dhënë shembullin e kanabisit”.
