Politika
Meta takon Macron: Vlerësime për marrëdhëniet e shkëlqyera mes dy vendeve
Presidenti i Republikës së Shqipërisë, Ilir Meta ndodhet në Francë, ku po mbahen ceremoni përkujtimore, për fundin e Luftës së Parë Botërore.
Atje Meta është takuar dhe shtrënguar duart edhe me homologun e tij, presidentin francez Emmanuel Macron, ndërsa foton e ka shpërndarë në rrjetet sociale.
“Shumë i lumtur të takoj Presidentin e Francës, Emmanuel Macron, të shpreh vlerësimet për marrëdhëniet tradicionale dhe të shkëlqyera mes dy vendeve dhe rëndësinë e dinamizmit të tyre e njëkohësisht rolin e tij për një Europë më të fortë e më të bashkuar”, shkruan Meta në njoftimin për takimin me Macron.
