Rajoni
Mijëra qytetarë protestuan në Beograd dhe në 30 qytete tjera të Serbisë
Pjesëmarrësit e protestave kundër dhunës, lëvizën nëpër rrugët e Beogradit për të njëmbëdhjetën herë me radhë.
Kërkesat e tyre mbetet të njëjta, shkarkimi i menjëhershëm i të gjithë anëtarëve të organit rregullator për mediat elektronike, anulimi i menjëhershëm i programeve dhe emisioneve që nxisin imoralitetin dhe dhunën në stacionet televizive me frekuenca kombëtare, si dhe ndalimin e mediave të shkruara, përmbajtja e të cilave promovon dhunën, agresionin dhe shkel kodin gazetaresk.
Protesta e organizuar nga opozita ka nis në ora 19:00 përballë Kuvendit Kombëtar në qendër të kryeqytetit serb.
Ata po ashtu kërkojnë shkarkimin e menaxhmentit të Radiotelevizionit të Serbisë për shkak se ata miratojnë transmetimin e programeve që afirmojnë dhunën, krimin dhe agresionin.
Protestat po zhvillohen këtë javë edhe në rreth 30 qytete të tjera anembanë Serbisë.
