Ministri Tahiri në Samitin në SHBA
Në Uashington ShBA, po zhvillohet Samiti ndërministror kundër terrorizmit i organizuar nga Presidenti i SHBA-ve Barack Obama, i cili do të mbajë fjalën gjatë ditës së dytë të punimeve, bënë të ditur në një njoftim për shtyp, Ministria e Brendshme.
Shqipëria, shkruhet në njoftim përfaqësohet në Samit nga Ministri i Punëve të Brendshme Saimir Tahiri.
Punimet e ditës së parë të Samitit bënë një pasqyrë të arritjeve të deritanishme për seicilin nga shtetet pjesëmarrëse, duke theksuar nevojën për koordinimin e mëtejshëm, veçanërisht në çështjet që kanë të bëjnë me menaxhimin e kufirit dhe identifikimin e luftëtarëve të terrorizmit.
Gjatë punimeve, u konkludua për të ndërtuar një sistem shkëmbimi të dhënash që të garantojë shpejtësi dhe eficencë në parandalimin e shtetasve që duan t’i bashkohen luftrave terroriste në botë.
Ditën e parë të Samitit e hapi Sekretari i Shtetit John Kerry.
