Murati takon kandidaten shqiptare për deputete në Finlandë

Ministri i Diasporës, Valon Murati, ka takuar në Helsinki kandidaten për deputete në Parlamentin finlandez, Fatbardha Hetemi.

Ai e ka cilësuar si tejet të rëndësishme pjesëmarrjen e shqiptarëve në jetën politike të vendeve ku ata jetojnë.

“Sot në Helsinki takova kandidaten për deputete në Parlamentin finlandez znj. Fatbardha Hetemi. Pjesëmarrja e komunitetit shqiptar në jetën politike dhe publike të vendeve ku jetojnë është shumë e rëndësishme për ata vetë por edhe për atdheun e tyre”, ka thënë Murati, përcjell Koha.net.

Aktualisht Hetemi është deputete lokale në Helsinki, dhe tash po kërkon përkrahjen, sidomos nga shqiptarët, për të marrë më shumë përgjegjësi.