Maqedonia
Në Shkup shënohet dita e personave me nevoja të veçanta
Në Fakultetin filozofik të Shkupit u shënua 3 dhjetori, dita ndërkombëtare e personave me nevoja të veçanta, ku u tha se duhet të ndërtohet një shoqëri gjithëpërfshirëse, të sigurohet e drejta e arsimit, punës dhe qasjes në institucione, për këto persona, përcjell Telegrafi Maqedoni.
Me këtë rast, Frosina Tashevska-Remenski, ministre e punës dhe politikës sociale tha se një punë e përshtatshme për personat me nevoja të veçanta do t’u mundësojë këtyre njerëzve të dalin nga rrethi i varfërisë, të kenë të ardhura stabile, përfshirje në shoqëri, të gjejnë shoqëri dhe të sigurojnë ndërveprim shoqëror.
Dekani i Fakultetit të filozofisë në Shkup, Goran Ajdinski, konsideron se realizimi i të drejtave për persona me nevoja të veçanta nuk duhet të përmendet vetëm në shënimin e kësaj dite, por duhet të punohet në atë drejtim për çdo ditë.
