Ngadalësimi ekonomik i Kinës reflekton ndjeshëm bursat evropiane

Një ”rënie e lirë” në bursën kineze sot, provokoi një ndalim automatik të tregut për herë të dytë brenda javës, ndërkohë që autoritetet kanë marrë masat për frenimin e kësaj rënieje.

Çmimet në indeksin kinez CSI 300 ranë më shumë se shtatë për qind gjatë 30 minutave të para të shkëmbimeve tregtare duke zhvlerësuar edhe më tej juanin, më i dobëti i pesë viteve të fundit.

Ndërkohë, ngadalësimi ekonomik i Kinës reflektoi ndjeshëm sot edhe bursat kryesore evropiane, që u hapën si më poshtë:

* Londër        -1,93 për qind
* Frankfurt     -3,02 për qind
* Stockholm  -4,08 për qind
* Helsinki      -4,27 për qind
* Oslo            -4,29 për qind.