Ekonomia
Nis puna në segmentin nga kthesa e Prezës deri në Rinas
Autoriteti Rrugor Shqiptar dhe Policia e Qarkullimit Rrugor njoftojne se nesër (datë 18 Shtator 2018) nisin punimet për rehabilitimin e segmentit rrugor nga kthesa e Prezës deri në kthesen Rinas në aksin rrugor Vorë – Fushë Krujë.
Për këtë arsye, ky segment rrugor do të jetë i bllokuar për trafikun në një gjatësi prej 3,340 ml.
ARRSH njofton se, mjetet që udhëtojnë nga veriu në segmentin Shkodër – Milot – Fushëkruje në drejtim të Tiranës dhe Durrësit duhet të vazhdojnë udhëtimin në drejtim të Kamzës në kryqëzimin e Fushë-Krujës.
Automjetet e vogla mund të kthehen për në Rinas dhe Ahmetaq në drejtimin Fushë-Krujë Rinas.
Dogana e Tiranës është e aksesueshme për të gjitha llojet e mjeteve nga ana e Vorës.
